8
 
الرئيسيةس .و .جبحـثالأعضاءالمجموعاتالتسجيلدخول

شاطر | 
 

 حنّا مطير أهل الشرف والمهابـه

اذهب الى الأسفل 
كاتب الموضوعرسالة
الخزامى



المساهمات : 10
تاريخ التسجيل : 16/01/2012
الموقع : ديار مطير الصمان وحفرالباطن

مُساهمةموضوع: حنّا مطير أهل الشرف والمهابـه    الإثنين يناير 16, 2012 11:43 am

حنّا مطير أهل الشرف والمهابـه @حمران النواظر تاج راسك لهالحين
يوم الحروب ويوم كانـت أنهابـه@ وقتٍ مضى ما ترفع الراس والعين
مثلك نهار الكـون مـا ينشقابـه @أطيبكم اللي قيمته خيشـه اطحيـن
أبفتخر فـي عزوتـي يالزلابـه @حنا حرار الجو وانتـم كراويـن
مطير من عصر النبي والصحابه @أسياد في وقت الجواهل وفى الدين
إليا أعتزوا زادو شموخ وصلابـه @وسط الجزيزه ثابته كالضلاعيـن
واللي غزانا مـا تعـوّد ركابـه@ أتلاء عهدهم يوم جونّـا مغيريـن
من رميّنا محد يـروح بصوابـه @ويشهد على ما قول روس المعادين
الله خلقنـا للمـعـادي ذهـابـه@ نمسح وجود اللي نوانا على الشين
نغزي ونكسر كل كايـد صعابـه@ وعلى ظهور الخيل جبّنا البعارين
يسلـم محالفنـا ويحشـم جنابـه @ويبقون بحمانا ما دامـوا مقيميـن
يذري ذرانـا لكـل حـي لجابـه@ زبن الدّخيـل وللعوانـي بساتيـن
وعز الصديق اليا شكى كل مابـه@ يلقى الحشيمه عند ربعاً حشيميـن
والطيب فعله مـا فقدنـا صوابـه@ فينا الكرم فينا الشهامه عناويـن
الضّيـف لامنـه لافنـا هلابـه @مبّركين الحيـل وسـط الدواويـن
هـذي فعايـل لابتـي والقرابـه@ وأنا أحمد الله ما خلقنـا ضعيفيـن
عبدالله أهل الهوش وأهل الحرابـه@ تهوي على العدوان مثل الشياهيـن
كـم راس شيـخ طشتـه للذيابـه @من مات مات وباقي الحيّ مطيعين
وعلوى علت فوق البشر كالسحابه@ بأفعولها تروي من الـدّم مياديـن
حوض المنايا تـارده مـا تهابـه @خلف الدويش اللي خضتله سلاطين
وبريه تعّرف في نهـار الطلابـه @إن ثارت الهيجاء عليها سرعيـن
بريه لأهل الشر قبـر ونصابـه@ وللأهل الكبود الحاقده كالسكاكيـن
يالابتـي مثلـك ولا فيـه لابـه @يأهل الثلاث معجّـزات الملاييـن
مطيـر حنّـا والذيابـه تشـابـه @ومن ذاق فعل مطير حاقد لهالحين




الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
حنّا مطير أهل الشرف والمهابـه
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات بنات مطير :: ๑۩۞۩๑{ قسم الشعر الشعبي والنبطـي }๑۩۞۩๑-
انتقل الى: